بفضــــل الله 
لما درست صيدلة وتغذية، كان هدفي الأساسي إني أتعلم كويس علشان أقدر أعلّم غيري.
كان دايمًا في بالي إن المعلومة الصح ممكن تغيّر حياة إنسان، وتخفف عنه تعب أو تمنع عنه مشكلة قبل ما تحصل.

ولما بدأت أشتغل أونلاين، كان هدفي أكبر من مجرد شغل… كنت عايزة أسيب أثر.
حاجة تفضل موجودة، علم بسيط وسهل يفيد الناس ويساعدهم يعيشوا حياة أفضل.

أكبر فرحة بالنسبة لي لما حد يقولي إنه بدأ يفهم جسمه أكتر، أو قدر يخس من غير ضغط، أو رجعت ثقته في نفسه تاني.
إن حد يتعلم ياكل إزاي، يشرب إزاي، يعرف إيه اللي يفيده وإيه اللي يضره، ويعيش حياة صحية تناسب ظروفه وميزانيته.

مؤمنة إن الصحة مش حرمان، وإن التغيير الحقيقي بيبدأ بخطوات بسيطة ومفهومة.
وهدفي دايمًا إن كل معلومة أقدمها تكون سبب صغير يخلي حياة حد أسهل وأحسن بإذن الله